Ish-Presidenti Ilir Meta do të lërë për disa orë qelinë për t’i dhënë lamtumirën e fundit babait të tij, Rexhep Meta, i cili u nda nga jeta në moshën 83-vjeçare. 

Lajmi për ndarjen nga jeta fillimisht u konfirmua nga ish-bashkëshortja Monika Kryemadhi, teksa hynte në ambientet e Prokurorisë së Posaçme. 

Më pas, përmes një postimi në rrjetet sociale, ish-presidenti Meta bëri me dije se ceremonia e përcjelljes për në banesën e fundit do të zhvillohet më 2 qershor, në orën 12:00, në vendlindjen e të ndjerit, në Çepan të Skraparit. 

Mësohet se Meta ka paraqitur kërkesë për të marrë pjesë në ceremoninë e lamtumirës, e cila është miratuar nga Prokuroria e Posaçme. Autoritetet kanë marrë masat për shoqërimin e tij sipas procedurave ligjore. 

Kujtojmë se Meta ndodhet në paraburgim që prej tetorit 2024, pas arrestimit të tij në kuadër të hetimeve të SPAK. 

/rtsh.al/