Tubimi kundër projektit në Zvërnec ka vijuar për të gjashtën ditë radhazi në kryeqytet, duke shënuar një zgjerim të kërkesave të pjesëmarrësve. Përveç kundërshtimit të projektit specifik, lëvizja ka artikuluar një qëndrim më të gjerë institucional dhe ligjor përpara selisë së qeverisë.

Aktivistët dhe qytetarët kanë ruajtur të njëjtin itinerar lëvizjeje, duke u përqendruar në qendër të Tiranës me synim anulimin e ndërtimit të parashikuar.

Objektivi kryesor i lëvizjes mbetet anulimi i plotë i projektit të planifikuar për këtë zonë. Protestuesit deklarojnë se ndërhyrjet në këtë zonë paraqesin një rrezik për ekosistemin lokal.

Nga ana tjetër, tubimi ka kaluar përtej kauzës fillestare lokale, duke përfshirë kërkesa për shfuqizimin e disa paketave ligjore dhe reformave të fundit qeveritare.

Një ditë më parë protestuesit kërkuan anulimin e planit për ndërtimin e resortit luksoz në Zvërnec, duke ngritur gjithashtu një sërë kërkesash të tjera ndaj qeverisë. Protestuesit kërkuan shfuqizimin e statusit dhe kuadrit ligjor për investimet strategjike, shfuqizimin e Paketës së Maleve, anulimin e ndryshimeve në ligjin për zonat e mbrojtura, anulimin e ndryshimeve në ligjin për trashëgiminë kulturore shqiptare, por edhe dorëheqjen e qeverisë.

Platforma e paraqitur nga organizatorët përmbledh këto pesë pika kryesore:

Pika 1: Dorëheqjen e qeverisë

Pika 2: Shfuqizimin e statusit dhe te kuadrit ligjor për statusin strategjik

Pika 3: Shfuqizimin e paketës se maleve

Pika 4: Anulimin e ndryshimeve ne ligjin për zonat e mbrojtura

Pika 5: Anulimin e ndryshimeve ne ligjin për trashëgimin kulturore shqiptare

/rtsh.al/