Planet për ndërtim në Zvërnec, qytetarët protestojnë në Plazhin e Dalanit në Porto Novo

Aktualitet | 5 muaj më parë

Të organizuar përmes rrjeteve sociale, qytetarë nga zona të ndryshme të vendit janë mbledhur sot në zonën e Porto Novos dhe plazhit të Dalanit, vendin nga ku një javë më parë nisën protestat, që janë shtrirë pothuajse në të gjithë vendin.

Me thirrjet “Narta është e jona”, ata shprehen të vendosur të vijojnë mbrojtjen e natyrës.

Protestuesve iu bashkua edhe avokatja dhe rekordmenia shqiptaro-australiane Eva Buzo, e cila, e shoqëruar nga një grup vajzash, përshkoi me not hapësirën mes ishullit të Sazanit dhe Plazhit të Dalanit në Porto Novo.

Protesta u monitorua në distancë nga policia. Ajo zgjati rreth dy orë dhe nuk u shënua asnjë incident.

Gazetare: A. Hysaj

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.