Ende pa zbritur në fushë për Anglinë ky Botëror nuk ka nisur në mënyrën më të mirë. “Tre Luanët” në orët e fundit kanë qenë në shënjestër të një grupi hajdutësh, të cilët kanë vjedhur takat e futbollistëve dhe sende të tjera të vlefshme për stërvitje.

Ky episod ka ndodhur pasi delegacioni i një herë kampionëve të botës u vendos në kampin e tij bazë. Siç dihet anglezët për disa ditë, pasi u ulën në tokën amerikane, preferuan që të qëndronin në

West Palm Beach të Floridas dhe vetëm në orët e fundit u spostuan drejt “Swope Soccer Village” në Misuri ku edhe do të kenë bazën e tyre deri në fund të rrugëtimit në Botëror. Sipas tabloidëve britanikë vjedhja ka ndodhur në Misuri.

Ndërsa të besuarit e Tuchel kanë vujatur për t’i zëvendësuar në kohë pasi bëhet fjalë për një sasi të konsiderueshme baze materiale, e cila për disa prej futbollistëve është e personalizuar. Ndeshja e parë e Anglisë në turne është ajo me Kroacinë, e cila do të luhet të mërkurën në orën 22:00 në Arlington të Teksasit. A.V.