Ministri i Mbrojtjes Ermal Nufi takim në Komandën Mbështetëse, fokus te logjistika dhe Emergjencat Civile

Aktualitet | 4 muaj më parë

Ministri i Mbrojtjes, Ermal Nufi, ka zhvilluar një takim në ambientet e Komandës Mbështetëse të Forcave të Armatosura. Përmes një komunikimi në rrjetet sociale, ministri vuri në dukje rëndësinë e kësaj strukture në menaxhimin e situatave të krizave dhe operacioneve të ndryshme në terren.

Sipas kreut të dikasterit të mbrojtjes, prioritet i strukturave ushtarake mbetet modernizimi dhe rritja e kapaciteteve operacionale për t’iu përgjigjur nevojave të popullatës.

“Fokusi mbetet i pandërprerë për rritjen e investimeve logjistike, infrastrukturore dhe kapitalit njerëzor, duke forcuar njëkohësisht kapacitetet në zvogëlimin e riskut nga fatkeqësitë, rritjen e gatishmërisë, reagimin efektiv dhe sa më pranë qytetarëve në përballimin e emergjencave të ndryshme civile, situatat e zjarreve, operacionet humanitare”, shkruan Nufi.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.