Kryeministri Edi Rama ka reaguar pas incidenteve të ndodhura gjatë protestës së sotme, ku pati përplasje mes protestuesve dhe Policisë së Shtetit.

Rama dënoi aktet e dhunës, duke i cilësuar si produkt të asaj që e quajti “korja e zezë e dështakëzemërakëve të bulevardit politiko-mediatik të Tiranës”.

“Kalimi në dhunë fizike është e vetmja gjë që mund të prodhojë tanimë korja e zezë e dështakëzemërakëve të bulevardit politiko-mediatik të Tiranës, koleksionistëve të precedentëve kriminalë dhe duarve të huaja pas tyre! Duhet akoma durim e pastaj i vjen radha reflektimit ”, shkruan kryeministri Rama.

Reagimi i kryeministrit Rama vjen pas protestës së zhvilluar ditën e sotme para Parlamentit ku protestuesit u përplasën fizikisht me policinë, gjë e cila u arrestua me arrestime dhe përdorim të gazit lotsjellës.

Ndërkaq, Ministria e Shëndetësisë bëri të ditur se morën trajtim mjekësor 19 persona, mes tyre 15 efektivë policie dhe 4 protestues.

Sipas ministrisë 4 prej efektivëve vijojnë të marrin trajtim mjekësor, ndërsa pjesa tjetër, përfshirë protestuesit, janë larguar nga spitali pasi kanë marrë ndihmën e nevojshme.

Kalimi në dhunë fizike është e vetmja gjë që mund të prodhojë tanimë korja e zezë e dështakëzemërakëve të bulevardit politiko-mediatik të Tiranës, koleksionistëve të precedentëve kriminalë dhe duarve të huaja pas tyre!

Duhet akoma durim e pastaj i vjen radha reflektimit🦩❤️

— Edi Rama (@ediramaal) July 2, 2026

/rtsh.al/