Energjitë e Projekteve Ndërkufitarë të Bashkimit Europian, tashmë po prekin edhe Pogonin malor në Bashkinë e Dropullit. 1.490.000 euro do të investohet nëpërmjet këtij projekti në tre bashki. Konkretisht, në njësitë vendore të Georgios Karaiskaqis dhe Xumerka të Rajonit të Epirit në Greqi, si dhe në njësinë administrative Pogon të Bashkisë Dropull

Tashmë janë asfaltuar rreth 2 km, deri te Ura e Zalos, ndërsa pritet të shtrohen me beton edhe 2,5 km të tjerë drejt fshatit karakteristik të Hllomosë. Ky investim sjell edhe reagimet e disa banorëve të zonës së Pogonit.

“E gjykoj shumë pozitiv”, tha një banor.

“Kryesorja është rruga që na lidh me Gjirokastër dhe ajo duhet bërë”, tha një tjetër.

“E vlerësoj shumë që e kanë bërë rrugë, pavarësisht se nuk ka përfunduar akoma, por do të përfundojë”, u shpreh një tjetër banor.

Njëkohësisht, ka përfunduar faza e parë e investimit të qeverisë shqiptare nëpërmjet Fondit të Zhvillimit në ” Rrugën e Bardhë” të segmentit Selckë- Stacioni Pyjor.

Ndërsa së shpejti fillon investimi duke kompletuar shtrimin e rrugës me beton në segmentin Pika Kufitare Sopik – Poliçan, falë një bashkëpunimi të Bashkisë Dropull me Ministrinë e Jashtme të Greqisë.

/rtsh.al/