Vlorë, mbytet në det një 29-vjeçare në Portonovë

Aktualitet | 4 muaj më parë

Një ngjarje e rëndë është regjistruar pasditen e së premtes në zonën e Portonovës, në Vlorë, ku një 29-vjeçare ka humbur jetën pasi u mbyt në det.

Sipas informacionit paraprak të Policisë, rreth orës 17:00, në vendin e quajtur “Hidrovor”, në territorin e Njësisë Administrative Novoselë, është mbytur shtetasja Afërdita Gjilaj, nga Malësia e Madhe.

E reja u gjet pa shenja jete në ujë, ndërsa në vendngjarje kanë mbërritur shërbimet e Policisë dhe grupi hetimor.

Autoritetet bëjnë me dije se vijojnë veprimet procedurale për sqarimin e plotë të rrethanave të ngjarjes dhe përcaktimin e shkaqeve që çuan në mbytjen e 29-vjeçares.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.