Fatmir Mediu në Asamblenë e OSBE-së: Shqipëria është autokraci elektorale

Aktualitet | 4 muaj më parë

Në Asamblenë Parlamentare të OSBE-së në Hagë, kryerepublikani Fatmir Mediu denoncoi se, sipas tij, lidhjet e qeverisë shqiptare me krimin dhe farsat zgjedhore janë kërcënim për stabilitetin në Shqipëri dhe Ballkan.

Mediu tha se në Shqipëri krimi i organizuar, trafiku i drogës dhe korrupsioni po minojnë shtetin e së drejtës, institucionet demokratike dhe besimin e qytetarëve. Kjo situatë, tha Mediu, është një kërcënim i drejtpërdrejtë edhe për arkitekturën e sigurisë në hapësirën e OSBE-së.

Mediu tha se zgjedhjet e fundit, të vëzhguara edhe nga OSBE-ja, ishin një farsë, të karakterizuara nga blerja e votës dhe intimidimi i votuesve. Sot, Shqipëria, tha ai, klasifikohet si autokraci elektorale. Mediu njohu të pranishmit edhe me protestën qytetare, me në fokus, sipas tij, kundërshtinë ndaj qeverisë së korruptuar.

/rtsh.al/

fatmir mediu

OSBE

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.