Neuer lajmëron lamtumirën: S’i luaj ndeshjet për të thënë se ishte e fundit, me shumë mundësi tërhiqem në fund të sezonit!

Gjermani | 3 muaj më parë

Portieri i Bayern-it të Mynihut, Manuel Neuer, ka lënë të kuptohet se sezoni që pritet të startojë pas pak ditësh mund të jetë i fundit i një karriere legjendare.

Kapiteni i Bayern-it firmosi kontratën e re një vjeçare pak javë më parë dhe do të qëndrojë në klubin bavarez deri në fund të sezonit 2026/27.

40-vjeçari ka nisur të mendojë për fundin e karrierës dhe se po afron momenti kur duhet që të heqë dorezat një herë e mirë.

“Nuk i luaj ndeshjet për të thënë se kjo do të jetë ndeshja ime e fundit. Nuk ka shumë rëndësi fakti se për mua secila ndeshje e luajtur në stadiumet e ndryshme mund të jenë të fundit. Do të shikojmë. Edhe pse them se me siguri jemi drejt fundit, do të tërhiqem”, tha Neuer gjatë një prononcimi ditën e djeshme në Tegernsee, ku Bayern-i po zhvillon disa ditë të fazës përgatitore. A.V.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.