Lukaku gati t’i japë lamtumirën Napolit, sulmuesi drejt Atlanta United në MLS

Futboll Bota | 3 muaj më parë

Romelu Lukaku mund të largohet nga Napoli për të zbarkuar në Shtetet e Bashkuara të Amerikës. Sipas gazetarit belg, Sacha Tavolieri, sulmuesi është gati ta mbyllë para kohe aventurën me fanellën e Napolit për të provuar një eksperiencë në Major League Soccer.

Transferimi përtej oqeanit bëhet edhe më i besueshëm, po të kemi parasysh se Atlanta United FC po ngulmon për sulmuesin shtatlartë. Klubi amerikan e sheh si profilin ideal për të forcuar repartin ofensiv.

Drejtuesit e klubit amerikan janë në kontakte të vazhdueshme dhe pritet që të mbyllin marrëveshjen sa më shpejt. Po diskutohet për shifrat e operacionit dhe akordin për pagën e futbollistit. Gjasat janë të mëdha që Lukaku të lërë Serie A për SHBA-të.

Lukaku

MLS

napoli

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.