Një zyrtar i Departamentit të Shtetit të SHBA konfirmon se bisedimet mes Izraelit dhe Libanit në Romë përfunduan herët sot.

Megjithatë, zyrtari citon “ngjarjet në terren”, ndryshe nga rrjedhjet e informacionit nga delegacioni libanez, të cilat Izraeli i ka dhënë si arsye për ndërprerjen e befasishme të bisedimeve.

Izraeli ka kryer sulme në jug të Libanit në një nivel që nuk ishte parë prej disa javësh, pas asaj që ai e cilësoi si shkelje të armëpushimit nga Hezbollah-u.

Zyrtari i Departamentit të Shtetit të SHBA përpiqet të zbutë natyrën e këtij zhvillimi, duke theksuar se bisedimet do të rifillojnë nesër siç ishte planifikuar.

“Diskutimet u përqendruan në një sërë çështjesh politike dhe ushtarake dhe ishin jashtëzakonisht produktive. Ekipet teknike bënë progres në përcaktimin e detajeve kryesore për zbatimin e Kornizës Trilaterale,” pretendon zyrtari i Departamentit të Shtetit.

/rtsh.al/