Zjarri përfshin Parkun Kombëtar Lurë–Mali i Dejës, flakët favorizohen nga era e fortë

Aktualitet | 3 muaj më parë

Një vatër zjarri vijon të jetë aktive në masivin pyjor të Parkut Kombëtar Lurë–Mali i Dejës, ndërsa flakët po përhapen me shpejtësi të favorizuara nga era e fortë dhe bimësia e dendur.

Për përballimin e situatës dhe shuarjen e flakëve janë angazhuar rreth 20 forca zjarrfikëse, punonjës të Bashkisë Dibër, punonjës të zonave të mbrojtura, si dhe vullnetarë të zonës.

Në operacionin për neutralizimin e zjarrit po ndërhyhet edhe nga ajri. Dy helikopterë janë angazhuar për të frenuar përhapjen e flakëve.

Vatra ndodhet në një masiv me pishë të zezë, një nga sipërfaqet e pakta pyjore që kanë mbetur në park. Kjo zonë është dëmtuar ndër vite nga prerjet e paligjshme dhe zjarret e përsëritura.

Forcat në terren vijojnë operacionin për izolimin dhe shuarjen e vatrës së zjarrit.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.