8 efektivë pezullohen pas sherrit në burgun e Fierit- Bajri, Gjini dhe Zoto u përfshinë në përplasjen në ambientet e përbashkëta

Aktualitet | 3 muaj më parë

Tetë efektivë të burgut të Fierit, mes tyre kryeinspektorë dhe gardianë, janë pezulluar nga detyra pas sherrit mes të burgosurve Denis Bajri, Aldo Gjini dhe Jurgen Zoto në ambientet e përbashkëta.

Punonjësit ishin në turn ditën e ngjarjes dhe do të qëndrojnë të pezulluar deri në përfundim të hetimeve dhe vlerësimit të përgjegjësive për zbatimin e detyrave. Gjatë pezullimit do të marrin gjysmën e pagës.

Sipas hetuesve, sulmi ndaj Denis Bajrit mund të ketë qenë një mesazh nga Ibrahim Lici, rival i Bajrave në Shkodër. Gjatë përplasjes u plagos edhe Jurgen Zoto me një thikë artizanale.

Pas incidentit, Zoto u transferua në burgun e Burrelit, ndërsa Aldo Gjini në Drenovë, të dy në izolim për tre muaj. Hetimet vijojnë për të përcaktuar përgjegjësitë e punonjësve të burgut.

Gazetare: Lusi Përgjegji

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.