Ndahet nga jeta Agim Bubeqi, ish-futbollisti i spikatur i Flamurtarit gjatë viteve ’80

Aktualitet | 3 muaj më parë

Është ndarë nga jeta Agim Bubeqi, një prej futbollistëve të spikatur të Flamurtarit të Vlorës gjatë viteve ’80, periudhë e artë për klubin vlonjat.

Bubeqi është gjetur pa jetë në apartamentin e tij. Dyshohet se ai kishte ndërruar jetë disa ditë më parë, ndërsa kanë qenë fqinjët ata që kanë vënë re mungesën e tij dhe kanë njoftuar Policinë.

Agim Bubeqi, i lindur më 7 prill 1963, e zhvilloi të gjithë karrierën e tij profesionale me fanellën e Flamurtarit, ku luajti në rolin e sulmuesit.

Ai ishte pjesë e një prej brezave më të rëndësishëm në historinë e Flamurtarit, skuadër që gjatë viteve ’80 u shndërrua në një prej ekipeve më të forta të futbollit shqiptar dhe la gjurmë edhe në arenën europiane.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.