Dibër/ Dy vatra zjarri aktive, flakët rrezikojnë disa banesa në Lurë

Aktualitet | 2 muaj më parë

Dy vatra zjarri janë aktive në qarkun Dibër, ndërsa situata paraqitet më problematike në Parkun Kombëtar të Lurës. Zjarri në Lurë ka marrë përmasa dhe është përhapur në tre drejtime, ku një prej fronteve, pranë fshatit Borie Lurë, është kthyer në rrezik për 5-6 banesa.

Forcat operacionale janë përqendruar në këtë zonë për të parandaluar përhapjen e flakëve drejt banesave, por rreziku vijon të mbetet evident. Vatra e dytë e zjarrit është evidentuar në vendin e quajtur Qafa e Helmës, në Fushë-Bulqizë.

Forcat e Mbrojtjes nga Zjarri dhe Shpëtimit (MZSH) janë angazhuar në terren për të izoluar dhe vënë nën kontroll të dyja vatrat.

Situata vijon të monitorohet nga strukturat përgjegjëse, ndërsa ndërhyrja përqendrohet në mbrojtjen e banesave dhe frenimin e përhapjes së zjarrit.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.