Tiranë, aksident fatal te “Misto Mame”, automjeti përplas për vdekje një 55-vjeçare, shoqërohet në polici drejtuesi

Aktualitet | 2 muaj më parë

Një aksident i rëndë me pasojë vdekjen e një personi ka ndodhur mbrëmjen e sotme në kryeqytet, në zonën e njohur si “Misto Mame”.

Sipas të dhënave paraprake nga Policia e Tiranës, ngjarja ka ndodhur rreth orës 18:30. Shtetasi O. V., rreth 23 vjeç, duke drejtuar automjetin e tij, ka përplasur këmbësoren D. P., rreth 55 vjeçe.

Si pasojë e goditjes së fortë, 55-vjeçarja ka ndërruar jetë në vendngjarje.

Shërbimet e policisë kanë bërë të mundur shoqërimin e menjëhershëm të 23-vjeçarit në ambientet e Komisariatit për kryerjen e veprimeve të mëtejshme procedurale e ligjore.

Ndërkohë, grupi hetimor ndodhet në vendin e ngjarjes dhe po vijon punën për sqarimin e plotë të shkaqeve dhe rrethanave të aksidentit.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.