Forcat e Armatosura po punojnë intensivisht për izolimin e vatrave të zjarrit në disa zona të vendit.

Ministria e Mbrojtjes raportoi se ndërhyrjet janë duke u zhvilluar me intensitet të lartë dhe situata është nën kontroll.

 Tërbun, Pukë – Forcat e Armatosura vijojnë punën për hapjen e korridoreve ndarëse, pas përfundimit të ndërhyrjes nga ajri. Situata është nën kontroll dhe nuk ka rrezik për zonat e banuara.

 Dajt, Tiranë – Vijon operacioni me 50 efektivë të Forcave të Armatosura dhe një helikopter. Edhe këtu nuk ka rrezik për zonat e banuara.

Në operacionet e shuarjes janë angazhuar trupa tokësore dhe mjete ajrore, duke garantuar që vatrat të izolohen pa rrezikuar komunitetet pranë.

Ministri i Mbrojtjes, Ermal Nufi, deklaroi se “Forcat e Armatosura janë të angazhuara pa ndërprerje për izolimin e vatrave të zjarrit. Situata është nën kontroll dhe nuk ka rrezik për zonat e banuara. Falënderoj efektivët për përkushtimin dhe profesionalizmin e treguar në këto ditë të vështira.”

/rtsh.al/