Egnatia shton forcat në sulm, kampionët zyrtarizojnë afrimin e Deivid Hoxhës

Abissnet Superiore | 2 muaj më parë

Deivid Hoxha është lojtari më i ri i Egnatias. Klubi rrogozhinas ka zyrtarizuar sot afrimin e sulmuesit 19-vjeçar nëpërmjet një postimi në kanalet e veta në rrjetet sociale.

Bëhet fjalë për një lojtar shtatlartë, 1.93 metra igjatë, që vjen nga Greqia, ku së fundi ka qenë pjesë e Panetolikos. Hoxha gjithashtu është pjesë e Kombëtares shqiptare U-19.

Kampionët e Shqipërisë shtojnë forcat në sulm dhe trajneri Nevil Dede do të ketë edhe një alternativë më shumë. Egnatia do të ketë një periudhë të ngjeshur ndeshjesh, pasi është kualifikuar në grupet e Conference League, kështu që ka nevojë për një organikë sa më të pasur.

egnatia

hoxha

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.