Ilir Beqaj paraqitet në GJKKO, bojkoti i avokatëve dhe mungesa e gjyqtares penguan zhvillimin e seancës

Aktualitet | 2 muaj më parë

Ish-ministri i Shëndetësisë, Ilir Beqaj, është paraqitur këtë të premte në GJKKO për seancën e dosjes së sterilizimit. Beqaj, i cili ndodhet në arrest shtëpie, u shoqërua nga një efektiv policie dhe u paraqit pa avokat. Por seanca nuk u zhvillua, për shkak të bojkotit të avokatëve ndaj rregullores së re të GJKKO-së, ndërsa mungoi edhe gjyqtarja Rudina Palloi.

Beqaj po gjykohet për akuzat e vjedhjes duke shpërdoruar detyrën dhe grupit të strukturuar kriminal, ndërsa në fund të korrikut gjykata i zëvendësoi masën e arrestit në burg me “arrest në shtëpi”, pas rreth 25 muajsh paraburgim.

RTSH

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.