PDK konteston në Kushtetuese formimin e Qeverisë “Kurti 4”

Kosovë | 2 muaj më parë

Partia Demokratike e Kosovës (PDK) ka dërguar në Gjykatën Kushtetuese kërkesën për kontestimin e formimit të Qeverisë “Kurti 4”.

Kërkesa është dorëzuar nga kryetari i Grupit Parlamentar të PDK-së, Arian Tahiri, dhe deputeti Përparim Gruda.

Tahiri ka deklaruar se PDK-ja do të kontestojë në Gjykatën Kushtetuese çdo vendim të marrë nga Kuvendi dhe Qeveria, pasi, sipas tij, Kuvendi aktual nuk gëzon legjitimitet.

Ai ka kundërshtuar edhe procesin e konstituimit të Kuvendit dhe formimit të institucioneve të reja, duke kërkuar që vendimet e marra gjatë këtij procesi t’i nënshtrohen shqyrtimit kushtetues.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.