Përvetësoi përmes mashtrimit 27 mijë euro në kompaninë ku punonte, arrestohet 34-vjeçari

Aktualitet | 2 vite më parë

Një 34-vjeçar është arrestuar në Tiranë këtë të enjte (20 qershor), i akuzuar se ka përvetësuar, përmes mashtrimit, 27 mijë euro në kompaninë ku punonte.

Policia njofton se i riu me inicialet R. A., banues në Shkodër, duke qenë i punësuar në një kompani nga e cila kryente depozita të ndryshme bankare, mashtronte duke depozituar shuma më të vogla parash se shumat reale. Në vendin e tij të punës, ai paraqiste mandate pagesash të dyshuara të falsifikuara.

34-vjeçari akuzohet për veprat penale “Mashtrimi”, “Falsifikimi i dokumenteve” dhe “Falsifikimi i vulave, i stampave ose i formularëve”.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.