Aksident në Delvinë, motori përplaset me barrierat mbrojtëse të rrugës, humb jetën 53-vjeçari

Aktualitet | 2 vite më parë

Një 53-vjeçar ka humbur jetën si pasojë e një aksidenti në aksin rrugor “Skërficë-Fushë Vërri” në Delvinë. Policia njofton se ngjarja ka ndodhur rreth orës 11:30, ku gjatë lëvizjes së një grupi motorristësh, njëri prej motomjeteve që drejtohej nga shtetasi A. L., 53 vjeç, banues në Durrës, është përplasur me barrierat mbrojtëse të rrugës dhe ka dalë nga rruga.

Për pasojë ka ndërruar jetë drejtuesi i motomjetit shtetasi A. L.

Grupi hetimor po punon për zbardhjen e plotë të rrethanave të aksidentit, ku paraprakisht dyshohet se 53-vjecari ka humbur kontrollin mbi drejtimin e motomjetit.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.