Pashkët Ortodokse, fluks në pikën kufitare të Kakavijës

Aktualitet | 3 vite më parë

11.450 shtetas kanë hyrë dhe dalë nëpërmjet pikës së kalimit të kufirit në Kakavijë gjatë 24 orëve të fundit . 7150, shtetas janë regjistruar në hyrje dhe 4300 në dalje. Gjithashtu numri i automjeteve të regjistruara në hyrje dhe dalje në këtë pikë kalimi është 3264 nga të cilët 2160 në hyrje dhe 1104 në dalje.

Prej dy ditësh në pikat e kalimit të kufirit me shtetin Helen, është rritur fluksi i qytetarëve të cilët jetojnë e punojnë në Greqi, por që kanë zgjedhur të kthehen në vendlindje për të festuar Pashkën Ortodokse.

Sipas informacioneve do të punohet me sportele të alternuara në varësi të fluksit për të shmangur radhët dhe pritjet. Për të shmangur radhët e pritjes pala shqiptare punon me 6 sportele, 3 në hyrje dhe 3 në dalje, ndërsa ajo greke 3 në hyrje dhe 2 në dalje.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.