Deputeti i qytetit të Odesës, Oleksiy Goncharenko, i cili thotë se pretendimi i presidentit rus Vladimir Putin se sulmet e mbrëmshme ishin përgjigje ndaj Ukrainës që përdori raketa të Mbretërisë së Bashkuar dhe SHBA-së është ” krejt qesharak”.

“Po 24 shkurti 2022, çfarë ishte” pyet Goncharenko, duke folur në programin Ëorld at One të BBC-së.

Për kujtesë 24 shkurti 2022 ishte dita kur filloi pushtimi rus i Ukrainës. Odesa ishte një nga qytetet e shënjestruar në sulmet e Rusisë gjatë natës, ku një person mbeti i plagosur.

Goncharenko thotë se energjia është rikthyer pjesërisht në pjesë të qytetit pas ndërprerjeve më herët gjatë ditës.

Më herët Putin tha se dëmi i shkaktuar nga sulmet e fundit ukrainase në Rusi nga raketa Atacms të prodhuara nga SHBA ishte “minimale”.

Sipas Putin, Rusia kishte nisur sulmin e saj në rrjetin elektrik të Ukrainës në përgjigje të atyre sulmeve me armë perëndimore.

“Ne nuk mund të mos i kushtojmë vëmendje faktit të përdorimit të tyre”, tha Putin, gjatë një deklarate në një konferencë shtypi në Kazakistan.

Ai tha se përdorimi i raketave të furnizuara nga perëndimi kundër Rusisë përbën “përfshirje të drejtpërdrejtë të vendeve perëndimore” në konflikt dhe mbartte “rreziqe”.

/rtsh.al/