SHBA shkatërron shtatë radarë që ndihmonin rebelët Houthi të godisnin anijet tregtare

Botë | 2 vite më parë

Ushtria amerikane njoftoi se kishte shkatërruar dy anije pa pilot që i përkisnin Houthive të Jemenit në Detin e Kuq, si dhe 7 radarë që ndihmonin rebelët të godisnin anijet, në një kohë kur sulmet nga grupi Houthi janë duke u intensifikuar.

Në një deklaratë, komanda e ushtrisë amerikane në Lindjen e Mesme (Centcom) tha se ”kishte shkatërruar shtatë radarë që ndihmonn Houthi të sulmonte anijet dhe të rrezikonin transportin tregtar”.

“U përcaktua se këto sisteme përbënin një kërcënim të menjëhershëm për SHBA-në, forcat e koalicionit dhe transportin tregtar në rajon”, tha Centcom në një deklaratë.

Sulmet rebele nxitën forcat amerikane dhe britanike të sulmojnë dhe të formojnë një koalicion ndërkombëtar për të mbrojtur korsitë e transportit detar përmes Gjirit të Adenit dhe Detit të Kuq.

/ rtsh.al /

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.