Papa Françesku: Nuk do të lejohen priftërinjtë homoseksual

Botë | 2 vite më parë

Papa Françesku raportohet se ka përdorur gjuhë ofenduese ndaj komunitetit LGBTQ+, incident që mund të ketë një ndikim të thellë në mënyrën se si perceptohet qëndrimi i tij ndaj homoseksualëve. I pyetur nëse homoseksualët mund të bëhen priftërinj, Papa tha se kjo nuk do të jetë e mundur, ndërsa përdori terma nënçmues për këtë komunitet.

Vatikani nuk ka ende asnjë reagim për rastin, por kjo duket si një ndryshim qëndrimi i Papës, pasi më herët ai ishte shprehur publikisht për respekt ndaj homoseksualëve.

Kur u pyet për homoseksualët në fillim të papatit të tij, ai u shfaq në krye të mediave duke u përgjigjur: “Kush jam unë për të gjykuar?”

Madje kohët e fundit Papa krijoi habi mes tradicionalistëve katolikë duke thënë se priftërinjtë duhet të jenë në gjendje të bekojnë çiftet e të njëjtit seks dhe se ata janë të mirëpritur në Kishë.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.