Durrësi, mundësi për investimet sllovene në ekonomi dhe turizëm

Ekonomi | 2 vite më parë

Kryetarja e Bashkisë së Durrësit, Emiriana Sako zhvilloi të premten një takim me presidenten e Sllovenisë, Nataša Pirc Musar, në selinë e konsullatës së këtij vendi në Durrës.

Zonja Sako e njohu presidenten Nataša Pirc Musar me historinë e qytetit dhe resurset që ofron Durrësi. Ajo u ndal sidomos në sektorin ekonomik dhe atë të turizmit, duke kujtuar se Durrësi është porti më i madh në Shqipëri dhe destinacioni më i madh turistik i vendit.

Në takim u vu theksi edhe në rritjen e bashkëpunimit ekonomik dhe të atij turistik e kulturor midis Shqipërisë dhe Sllovenisë.

Gjithashtu u bisedua për mundësinë e binjakëzimit midis qytetit slloven Kranj dhe Durrësit.

/ rtsh.al /

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.