Tirana përgatitet për takimin e fundit të fazës së parë të Abissnet Superiore ku pret në “Air Albania” ekipin e Af Elbasanit në një duel, i cili do të jetë i ndezur me vendasit që kërkojnë fitoren e dytë në kampionat për t’iu larguar vendeve të fundit.

Në vigjilje të këtij dueli përpara gazetarëve tekniku bardheblu tentoi që të bënte një bilanc të pjesshëm të ecurisë së ekipit që mori në javën e tretë.

“Ka një rritje përsa i përket pjesës fizike që është e rëndësishme, që kur kam ardhur kam ndërhyrë edhe në pjesën taktike se i kam parë vetëm nga videot dhe nuk i njihja lojtarët. Flas vetëm për pjesën kur kam ardhur unë mendoj se jemi përmirësuar shumë, por është një moment që asgjë nuk vlen përveç pikëve”, tha Roberto Bordin.

Në fjalën e tij tekniku italian vlerëson maksimalisht rivalin e radhës pasi sipas tij është një ekip me kualitet.