Dinamo ka mposhtur me përmbysje 4-1 Elbasanin në “Arenën Kombëtare” dhe pas këtij suksesi ka zvogëluar në vetëm 1 pikë diferencën me Partizanin në tabelën e klasifikimit. Zona “Final 4” është vetëm 1 pikë larg, kur kanë mbetur edhe 6 javë nga përfundimi i sezonit të rregullt.

Ndeshja e transmetuar në RTSH Sport ka qenë e bukur dhe e luftuar. miqtë nisin shumë mirë takimin dhe kalojnë në avantazh me Lajthinë. Dinamo mundohet të reagojë, por goli i barazimit vjen në fundin e pjesës së parë me Bregun, që shënon nga pika e bardhë e penalltisë.

Pjesa e dytë nis shumë mirë për blutë, që gjejnë golin e avantazhit me Malomon. Vila shënon golin e tretë, ndërsa në fundit e takimit Bregu realizon golin e dytë personal dhe të katërtin për skuadrën e tij.

Mbyllet 4-1 sfida në “Arenën Kombëtare”. Dinamo ngjitet në kuotën e 43 pikë në renditje, vetëm 1 pikë larg Partizanit të vendit të katërt. Me këtë humbje Elbasani zbret në vendin e tretë në renditje.