Aksident në Dibër, makina përplaset me furgonin, plagosen babë e bir

Aktualitet | 6 muaj më parë

Një aksident ka ndodhur mëngjesin e sotëm në aksin Maqellarë-Peshkopi, në zonën e quajtur “Grevë”, ku kanë mbetur të plagosur babë e bir.

Gazetari Elvis Hila duke iu referuar burimeve nga policia raportoi për RTSH se automjeti tip “BMW” me të cilin udhëtonin babë e bir, duke lëvizur nga Peshkopia në drejtim të Maqellarës, ka dalë nga rruga duke kaluar në kahun e kundërt dhe është përplasur me një furgon.

Sipas burimeve nga Spitali Rajonal i Dibrës, Ylli Melani, 70 vjeç, dhe Alban Melani, 36 vjeç, po marrin ndihmë mjekësore dhe ndodhen jashtë rrezikut për jetën. Ata janë nisur drejt Spitalit të Traumës për trajtim më të specializuar. Policia ka kryer veprimet hetimore në vendin e ngjarjes dhe po punon për zbardhjen e plotë të shkaqeve të aksidentit.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.