Aksident në Memaliaj- Përplasen dy makina, humb jetën fëmija 7 vjeç, 4 të plagosur

Aktualitet | 1 vit më parë

Një i mitur 7 vjeç ka humbur jetën në Memaliaj si pasojë e një aksidenti. Ngjarja u regjistrua në aksin rrugorë Tepelenë-Krahas, në vendin e quajtur “Kthesa e Luftinjës”, rreth orës 14:30. Sipas policisë, automjeti me drejtues shtetasin B. D., banues në fshatin Kalivaç, është përplasur me automjetin që drejtohej nga shtetasi ukrainas V. T., 38 vjeç.

Si pasojë e aksidentit, ka humbur jetën rrugës për në spital i mituri, djali i çiftit B. D. dhe S. D., të cilët janë dëmtuar lehtë.

Gjithashtu, kanë pësuar dëmtime të lehta shtetasi V. T. dhe pasagjeri që ndodhej në automjetin me të. Të dy po marrin ndihmë mjekësore në spital.

Grupi hetimor vijon punën për sqarimin e plotë të rrethanave të aksidentit.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.