Aksident në Vajkan të Vogël/ Përmbyset mjeti bujqësor, plagoset 53-vjeçari

Aktualitet | 2 muaj më parë

Një aksident ka ndodhur këtë të premte (4 shtator) në fshatin Vajkan i Vogël, ku një 53-vjeçar është plagosur pasi mjeti bujqësor me të cilin po transportonte rrush është përmbysur.

Sipas informacioneve paraprake, Altin Alla, 53 vjeç, kishte vjelë rrushin në tokën e tij dhe po e transportonte me një mjet bujqësor. Në rrethana ende të paqarta, dyshohet se ai ka humbur kontrollin mbi mjetin, i cili është përmbysur. Pas aksidentit, në vendngjarje ka mbërritur ambulanca, e cila ka transportuar 53-vjeçarin drejt spitalit për të marrë ndihmë mjekësore.

Ndërkohë, shërbimet e Policisë ndodhen në vendngjarje dhe po punojnë për të zbardhur shkaqet dhe rrethanat e plota të aksidentit.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.