Akuzat për vrasje dhe grup kriminal, Gjykata e Lartë rrëzon rekursin e Mario Çelës dhe Sergej Hasanpapaj

Aktualitet | 5 muaj më parë

Gjykata e Lartë rrëzoi rekursin e Mario Çelës, vëllait të të shumëkërkuarit Suel Çela dhe Sergej Hasanpapaj, për masën e arrestit me burg.

Ata u ekstraduan pak muaj me parë nga Belgjika, ku ishin arrestuar me kërkesë të SPAK.

Mario Çela dyshohet për veprat penale: “Vrasja me paramendim”, ”Organizata kriminale”, ”Mbajtja pa leje dhe prodhimi i armëve, armëve shpërthyese dhe municionit” dhe ”Korrupsioni aktiv ne sektorin privat”.

Sergej Hasanpapaj akuzohet nga SPAK për disa vepra të rënda penale dhe veçanërisht, si autor i dyshuar i vrasjes së shtetasit Bledar Muça në Belgjikë.

32-vjeçari akuzohet për veprat penale “Vrasja me paramendim”, mbetur në tentativë dhe kryer në kuadër të organizatës kriminale, dhe “Mbajtja pa leje dhe prodhimi i armëve, armëve shpërthyese dhe i municionit”.

Gazetare: Flutura Tota

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.