Amnistia, 466 të burgosur do të lirohen, Parlamenti pritet të miratojë projektligjin

Aktualitet | 5 muaj më parë

466 të dënuar do të lirohen nga burgjet pas miratimit të amnistisë penale. Projektligji pritet të marrë votën në parlament dhe para votimit ministri i Drejtësisë, Tonin Gogu, sqaroi se kush do të jenë përfituesit.

“466 persona kthehen në familjet e tyre, në shtëpitë e tyre. Nga këta persona, 11 janë gra dhe një i mitur. Ndërkohë, ulet faji për 869 persona, ku përfshihen tetë gra dhe dy të mitur.”

Gogu theksoi se amnistia nuk prek çështjet që janë në kompetencë të Prokurorisë së Posaçme, duke përjashtuar çdo rast që lidhet me SPAK.

“Vepra të krimit të organizuar dhe të korrupsionit nuk përfitojnë.”

Amnistia e fundit u bë në vitin 2024, ku dyert e burgut u hapën për 780 të dënuar dhe përfituan ulje dënimi 800 të tjerë.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.