Arrestohet me urdhër të SPAK kreu i ARRSH-së Evis Berberi

Aktualitet | 3 vite më parë

Arrestohet me urdhër të Prokurorisë së Posaçme kundër Korrupsionit dhe Krimit të Organizuar, kreu i ARRSH-së Evis Berberi.

Të dhënat nga prokuroria speciale, bëjnë të ditur se shkak për këtë urdhër-arrest janë bërë hetimet që kanë nisur prej kohësh për disa vepra peale: “Korrupsion pasiv“ dhe “Pastrim parash“.

Arrestimi i kreut të ARRSH-së u krye nga oficerët e BKH-së dhe Policisë së Shtetit. Oficerët e BKH-së dhe Policisë së Shtetit raportohet se kanë sekuestruar dokumente dhe një laptop në banesën e tij.

Për momentin nuk bëhen me dije më tepër detaje mbi arrestimin e tij, ndërsa pritet njoftimi zyrtar i Policisë së Shtetit.

Berberi ka dorëzuar dorëheqjen pak orë para arrestimit. Evis Berberi u emërua drejtor i ARRSH-së në qershor të vitit 2021.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.