Qeveria australiane po ndërmerr hapa drejt kufizimit të aksesit në mediet sociale për fëmijët dhe adoleshentët, duke e lejuar atë vetëm për ata të moshës 16 vjeç e lart.

“Mijëra prindër janë të shqetësuar për sigurinë e fëmijëve në internet”, u tha kryeministri Anthony Albanese gazetarëve në Canberra.

Legjislacioni i propozuar do të diskutohet në një takim të kabinetit dhe do të shqyrtohet në parlament këtë muaj.

Ai njoftoi më herët planin në shtator, duke e përshkruar ndikimin e rrjeteve në internet si Facebook, Instagram dhe TikTok tek fëmijët si një “shkatërrim”.

“Rrjetet sociale po u bëjnë dëm fëmijëve tanë dhe unë po kërkoj kohë për këtë”, tha Albanese. 

Nismën e mbështeti edhe opozita. “Ideja që produktet e medieve sociale si Instagram, TikTok dhe Snapchat mund të bëhen “të sigurta” për fëmijët më të vegjël është absurde”, tha zëdhënësi i Partisë Liberale David Coleman në një samit të medieve sociale në Adelaide, muajin e kaluar.

Sipas planeve, nuk ka dënime për përdoruesit. “Megjithatë, mund të duhet rreth një vit përpara se rregullat e reja të hyjnë në fuqi”, raportoi transmetuesi australian ABC.

/ rtsh.al /