Autobusi përplaset me motorin në Lushnjë, humb jetën drejtuesi

Aktualitet | 1 vit më parë

Një aksident me pasojë vdekjen është shënuar mëngjesin e kësaj të premte në Lushnjë. Një autobus është përplasur me një motor, duke shkaktuar vdekjen e drejtuesit të këtij të fundit.

Ngjarja ka ndodhur në orën 05:30, në aksin rrugor “Rotondo e Çermës-Lushnjë”, ndërsa viktimë ka mbetur drejtuesi i motorit, 72-vjeçari Q. K., banues në Dushk, Lushnjë.

Viktima ishte duke ecur me motor që tërhiqte edhe një karrocë dhe është goditur nga pas nga autobusi.

Policia ka vënë në pranga drejtuesin e autobusit 50-vjeçarin H. L., 50 vjeç, ndërsa vijojnë hetimet për zbardhjen e plotë të rrethanave të aksidentit.

Materialet procedurale do i kalojnë Prokurorisë Fier për veprime të mëtejshme.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.