Autor i dyshuar i 12 rastesh vjedhjesh në kioska, arrestohet 23-vjeçari në Tiranë

Aktualitet | 6 muaj më parë

Një 23-vjeçar, i dënuar më parë për vjedhje dhe krime në fushën e narkotikëve, është arrestuar në Tiranë si autor i dyshuar i 12 rasteve të vjedhjes në kioska dhe i vjedhjes së një biçiklete.

Veprimet hetimore dhe operacionale u kryen menjëherë pas denoncimeve të qytetarëve për vjedhje gjatë periudhës prill–maj 2026 në kioskat që funksiononin në zona të ndryshme.

I riu me inicialet Xh. M. u vu në pranga, ndërsa hetimet vijojnë për të zbardhur nëse ka kryer vjedhje të tjera.

Materialet procedurale janë referuar Prokurorisë së Tiranës për veprime të mëtejshme ligjore.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.