Kuba ka blerë më shumë se 300 dronë ushtarakë dhe, sipas raportimeve të Axios, ka nisur diskutime për përdorimin e tyre në sulme të mundshme ndaj objektivave amerikane.

Informacioni i bazuar në të dhëna të klasifikuara të inteligjencës amerikane përfshin si objektiva bazën detare të SHBA-së në Gjirin e Guantanamos, anije ushtarake amerikane dhe ndoshta edhe ishullin Key West në Florida, rreth 144 kilometra larg Havanës. 

Një zyrtar i lartë amerikan, i cituar nga Axios, ka deklaruar se këto të dhëna mund të përdoren si arsye për veprime ushtarake nga SHBA dhe tregojnë se Uashingtoni e konsideron Kubën si një kërcënim në rritje. Kjo lidhet me zhvillimet në fushën e luftës me dronë dhe praninë e këshilltarëve ushtarakë iranianë në Havana. 

Ndërkohë, agjencia Reuters ka theksuar se nuk ka arritur të konfirmojë në mënyrë të pavarur raportin e publikuar nga Axios, duke lënë hapur pikëpyetje mbi besueshmërinë e informacionit. 

/rtsh.al/