Ballkani prezanton trajnerin e ri

Kosova | 2 vite më parë

Ballkani nuk humbet kohë pas largimit të Ilir Dajës dhe ditën e sotme ka prezantuar trajnerin e ri. Artim Pollozhani ka marrë zyrtarisht drejtimin e skuadrës kampione të Kosovës. 42-vjeçari ka punuar edhe më herët me klubin kosovar, por në rolin e zëvendës-trajnerit.

“Mirë se u ktheve në shtëpinë tënde, Artim Pollozhani! Është një nder dhe kënaqësi e madhe që të kemi si kryetrajner të ri të FC Ballkani-t.

Përvoja dhe njohuritë e tua për klubin tonë janë një vlerë e shtuar, ku së bashku synojmë të ecim edhe më shumë drejt qëllimeve tona. Të urojmë një rifillim sa më të suksesshëm në këtë rrugëtim të ri”, shkruhet në njoftimin e klubit.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.