Barcelona dorëzohet, Reali kampion

Spanjë | 3 vite më parë

Real Madrid fiton titullin kampion në Spanjë për herë të 36-të në histori. Katër javë përpara përfundimit të sezonit, ekipi drejtuar nga Carlo Ancelotti, ia doli të zhvillonte një sezon pozitiv duke u shkëputur ndjeshëm nga kundërshtarët e afërm.

Ditën e shtunë, në orën 16:15, Real Madrid sfidoi Cadiz, takim që u mbyll me shifrat 3-0 me golat që u shënuan nga Diaz,Bellingham dhe Joselu.

Pas këtij rezultati pozitiv, duhej që Barcelona e vendit të dytë të fitonte. Në fakt nuk ndodhi kështu, sepse skuadra katalanase u mund nga Girona me shifrat 4-2 dhe mjaftoi ky rezultat që në Madrid të shpërthente festa. Ky është titulli i dytë i La Liga-s për Carlo Ancelottin, pasi në të shkuarën e ka fituar në sezonin 2021-22.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.