Barcelona humb kreun, Flick durimin, trajneri gjerman ndërpret në mes intervistën

Spanjë | 9 muaj më parë

Eliminimi nga Kupa e Spanjës dhe humbja përballë Girona-s në La Liga ka ndikuar shumë në klimën negative që është krijuar në klubin e Barcelonës.

Një fakt i tillë është reflektuar edhe nga trajneri Hansi Flick, i cili ka ndërprerë në mes intervistën që po jepte në fund të ndeshjes.

Trajneri gjerman konkretisht ishte i acaruar me vendimin e arbitrit, i cili nuk konsideroi si faull kontaktin mes Claudio Echeverri dhe Koundé.

“Ke një koment për kontaktin, i cili i parapriu golit?”, pyeti Flick gazetarin, i cili po e intervistonte. Gazetari nuk preferoi që të jepte një përgjigjhe dhe i tha: “Jo, nuk kam asnjë opinion mbi këtë episod”. Kaq mjaftoi për të nervozuar Flick, i cili u largua nga mikrofoni pasi tha: “Atëherë nëse ti nuk ke një opinion për atë ndërhyrje dhe unë nuk kam asnjë opinion për të dhënë këtu”.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.