Bashkia Lezhë shemb objekte pas largimit të 13 familjeve, ndërtimi i qendrës për moshën e tretë në horizont

Aktualitet | 7 muaj më parë

Pas lirimit të ambienteve nga 13 familje që prej rreth 35 vitesh ishin vendosur në zonën pas Katedrales, Bashkia Lezhë ka vijuar aksionin për shembjen e objekteve ekzistuese.

Banorët janë larguar nga banesat në mirëkuptim të plotë me institucionin vendor, i cili u ka ofruar bonus qiraje si dhe përfshirje në programet e strehimit social.

Objektet e shembura rezultojnë të kenë qenë pronë shtetërore, të zëna ndër vite nga komuniteti rom dhe familje të ardhura nga zonat verilindore të vendit.

Në hapësirën e liruar parashikohet ndërtimi i një qendre për moshën e tretë, një investim që synon përmirësimin e shërbimeve sociale në qytetin e Lezhës.

/RTSH/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.