Ministri i Jashtëm hungarez Peter Szijjarto ka deklaruar se Hungaria është e gatshme të presë negociatat për paqen midis Rusisë dhe Ukrainës në çdo kohë.  

Szijjarto nënvizoi se Budapesti qëndron i përgatitur për të siguruar kushte të drejta dhe të sigurta “për një dialog që synon përfundimin e luftës”

“Ne jemi të gatshëm të sigurojmë kushte të përshtatshme të drejta dhe të sigurta për negociata të tilla paqeje. Ne jemi të kënaqur nëse mund të kontribuojmë në suksesin e përpjekjeve të paqes, ” tha ai.

Ai kujtoi se Budapesti e bëri ofertën në ditët e para pas shpërthimit të konfliktit.

“Tre ditë pas shpërthimit të luftës, fola në telefon me kolegun tim, ministrin e Jashtëm Lavrov, dhe Andriy Yermak, kreun e administratës presidenciale të Ukrainës. U thashë të dyve se Hungaria dëshiron paqen, ne duam që kjo luftë të përfundojë sa më shpejt të jetë e mundur, ” tha ai.

Szijjarto theksoi se ftesa e Hungarisë nuk ka ndryshuar.

“Nëse do të kërkonin një vend për një dialog që do të sillte paqen dhe do t’i jepte fund luftës ata mund të vinin në Hungari në çdo kohë. Lërini ata të dinë një orë paraprakisht, dhe ne do të ishim të gatshëm të garantojmë kushte të drejta, të mira, të sigurta dhe të barabarta për të gjithë në Hungari. Ata më falënderuan për këtë dhe u thashë atyre se oferta jonë qëndron për sa kohë që është e nevojshme ”, u shpreh ai.

/rtsh.al/