Brad Arnold, këngëtari kryesor i grupit të njohur amerikan “3 Doors Down”, ka ndërruar jetë në moshën 47-vjeçare pas një beteje me kancerin e veshkave në stad të avancuar. Lajmi u konfirmua nga familja dhe grupi, duke theksuar se ai u largua paqësisht në gjumë, i rrethuar nga të afërmit.

Karriera e tij

Arnold themeloi grupin në vitin 1995 në Mississippi.

Në moshën 15-vjeçare shkroi këngën që do të bëhej hiti i madh i grupit, “Kryptonite”, e cila i solli nominim për çmimin Grammy në vitin 1999.

Albumi debutues The Better Life u shit në mbi 6 milion kopje.

Grupi mori një tjetër nominim Grammy në vitin 2003 me këngën “When I’m Gone”.

Në repertorin e tyre përfshihen hite si “Loser”, “Duck and Run” dhe “Be Like That”, e cila u përdor në filmin American Pie 2.

Trashëgimia muzikore 

Arnold u vlerësua për aftësinë e tij për të sjellë një stil të drejtpërdrejtë e emocional në muzikën rock, duke krijuar lidhje të forta me publikun. Muzika e tij mbetet një pikë referimi për gjenerata të tëra fansash.

/rtsh.al/