Brazili goditet nga stuhitë, 8 viktima dhe 21 të zhdukur

Botë | 3 vite më parë

Tetë persona kanë humbur jetën dhe 21 të tjerë rezultojnë të zhdukur për shkak të shirave të dendur këtë javë në shtetin jugor të Brazilit, Rio Grande do Sul.

Autoritetet thanë se më shumë se 1.400 njerëz u zhvendosën nga shtëpitë e tyre pasi shirat e dendur ngritën nivelet e lumenjve dhe shkaktuan përmbytje në pjesë të ndryshme të shtetit, duke prekur 104 komuna.

Sipas raportit të shërbimit të motit, është parashikuar një rrezik përmbytjeje “pothuajse në të gjithë shtetin” duke pasur parasysh mundësinë e vazhdimit të reshjeve të mëdha gjatë ditëve të ardhshme.

Guvernatori i shtetit, Eduardo Leyte, shprehu ngushëllimet e tij për vdekjet e shkaktuara nga stuhitë në platformën e medias sociale X, duke shtuar se qeveria po punon për të gjetur të zhdukurit dhe për të garantuar sigurinë në zonat në rrezik.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.