Briseida Çakërri merr mandatin e Bruna Mersini, betohet si deputete e Kuvendit

Politikë | 1 vit më parë

Briseida Çakërri u betua këtë enjte (30 tetor) si deputete e Kuvendit të Shqipërisë me Partinë Socialiste.

Çakërri zuri vendin e Brunilda Mersinit, kjo e fundit dha dorëheqjen nga mandati, pasi do të kandidojë për kryetare bashkie në zgjedhjet e pjesshme lokale që do të mbahen në Vlorë me 9 nëntor.

Bledi Çomo lexoi raportin e Këshillit për Rregulloren Mandatet dhe Imunitetin ku tha se “Këshilli vlerësoi se deputetja Briseida Çakërri nuk rezulton të ketë asnjë paligjshmëri në zgjedhje për t’u betuar si deputete”.

Gjatë seancës plenare të sotme, ajo u betua me dorën mbi Kushtetutë, duke zyrtarizuar hyrjen e saj në parlament.

Mandati i kaloi Briseida Çakërrit në mbledhjen e Komisionit Qendror të Zgjedhjeve (KQZ), si pasuesja në listën e kandidatëve të zgjedhjeve parlamentare të 11 majit, me më shumë vota.

/rtsh.al/

Briseida Çakërri

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.