Britania e Madhe, Shtetet e Bashkuara dhe Holanda deklarojnë se aktorë kibernetikë të lidhur me shtetin iranian kanë përdorur spyware për të targetuar disidentë, aktivistë dhe gazetarë.

Sipas një deklarate të përbashkët të publikuar nga Qendra Kombëtare e Sigurisë Kibernetike e Britanisë (NCSC), aktorët kibernetikë të lidhur me Iranin kanë përdorur familjen e spyware-it “Chosen Brick” për të vjedhur email-e, mesazhe dhe informacione të tjera të ndjeshme përmes fushatave spearfishing në platforma mesazhesh si WhatsApp dhe Telegram.

Ndër të targetuarit janë disidentë, aktivistë dhe gazetarë në mbarë botën, përfshirë në Mbretërinë e Bashkuar, që perceptohen si kërcënim për Teheranin, thuhet në deklaratë.

NCSC theksoi se “Irani pothuajse me siguri përdor aktivitetin kibernetik për të mbështetur represionin e individëve që shihen si kërcënim ndaj regjimit.”

/rtsh.al/