Qeveria ka rishikuar për herë të tretë buxhetin e shtetit për vitin 2025, duke vendosur të rrisë ndjeshëm fondin e bonusit të fundvitit për pensionistët.

Nga 37.5 milionë euro që ishte parashikuar fillimisht, fondi është rritur në 97 milionë euro, një rritje e konsiderueshme që synon të mbështesë rreth 756 mijë përfitues.

Shpërblimi parashikohet të ndahet sipas fushave të ndryshme: pensionistët me pension deri në 200 euro në muaj pritet të marrin një shumë më të lartë, ndërsa ata me pension mbi 200 euro do të përfitojnë më pak, sipas skemës së zbatuar vitin e kaluar.

Qeveria ende nuk ka përcaktuar ndarjen përfundimtare të shumave, por fondi i shtuar tregon përkushtimin për të mbështetur kategoritë më të prekura.

Ky rishikim i buxhetit synon që pensionistët të përfitojnë një mbështetje shtesë gjatë periudhës se festave te fundvitit.

Gazetar: Omer Saraçi

/rtsh.al/